الرئيسية ويندوز 11 بيكشف واحد من أعظم وأقوى أسرار إدارة الملفات: ميزة “Compress to” الجديدة

ويندوز 11 بيكشف واحد من أعظم وأقوى أسرار إدارة الملفات: ميزة “Compress to” الجديدة

ويندوز 11 بيكشف واحد من أعظم وأقوى أسرار إدارة الملفات: ميزة “Compress to” الجديدة 🔥
ميزة ظهرت فجأة في التحديثات الأخيرة… وغيّرت طريقة تعاملنا مع الملفات تمامًا بدون ما نحتاج WinRAR أو 7-Zip 👀💻
ــــــــــــــــــــــــــــــــــــــــــــــــ
🔶 السر اللي مستخدمين ويندوز كانوا محتاجينه من زمان
لو بتتعامل مع ملفات كتير، سواء صور، شغل، مشاريع، ألعاب، أو حتى ملفات كبيرة صعب ترفعها… أكيد لاحظت قد إيه أدوات الضغط الخارجية كانت حاجة أساسية!
لكن مع تحديثات Windows 11 الأخيرة، مايكروسوفت قررت تضرب ضربة تقيلة وتضيف ميزة "Compress to…" المطوّرة داخل النظام نفسه!
الميزة دي اتطورت بشكل كبير، وبقت مش مجرد ضغط ZIP عادي… لأ، بقت أداة قوية محترمة بتدعم صيغ جديدة زي 7z و TAR لأول مرة بدون أي برامج خارجية! 😍
ــــــــــــــــــــــــــــــــــــــــــــــــ
🔵 إيه هي ميزة “Compress to…”؟
هي خيار جديد في قائمة الكليك اليمين داخل مستعرض الملفات (File Explorer) أو علي سطح المكتب ، بيسمح لك تضغط أي ملف أو مجلد مباشرة لعدة صيغ مختلفة:
🟡 ZIP File
🔵 7z File (7-Zip)
🟢 TAR File
🪄 وكل ده من غير ما تفتح برنامج أو تثبّت أي Tools إضافية!
الميزة بتظهر مباشرة تحت زر الكليك اليمين ⬅️ Compress to…
وبتديك قائمة بالشكل اللي ظاهر في الصورة اللي تحت.
ــــــــــــــــــــــــــــــــــــــــــــــــ
🕘 تاريخ ظهور الميزة وتطورها
زمان… ويندوز كان بيدعم فقط إنشاء ملفات ZIP بأسلوب قديم (Send to ➡️ Compressed Folder).
مع Windows 11 بدأت مايكروسوفت تحديث واجهة File Explorer وأضافت خيار مباشر: Compress to ZIP file.
ومع تحديثات 23H2 و 24H2 بقت القصة أقوى بكتير:
✔ دعم صيغ 7z و TAR رسمياً
✔ تحسين الضغط
✔ قائمة “Compress to…” متطورة وواضحة
✔ استخدام مكتبة libarchive المدمجة في النظام
✅ يعني أخيرًا ويندوز بقى عنده "نظام أرشفة محترم" من غير برامج.
ــــــــــــــــــــــــــــــــــــــــــــــــ
🧩 الميزة بتعمل إيه بالضبط؟
ببساطة:
1️⃣ تختار الملف أو المجلد
2️⃣ كليك يمين
3️⃣ Compress to
4️⃣ تختار الصيغة
5️⃣ ويندوز ينشئ أرشيف جديد بنفس الاسم وبالصيغة المطلوبة
✔ مفيد لتقليل الحجم
✔ لمّ ملفاتك في ملف واحد
✔ مشاركة أسهل على البريد – الماسنجر – واتساب – تيليجرام
✔ بدون أي برامج خارجية
ــــــــــــــــــــــــــــــــــــــــــــــــ
⚠️ ملاحظات مهمة لازم تعرفها
• ممكن الميزة ما تظهرش لو عندك برنامج ضغط خارجي مهيمن على النظام ( ولكن ده نادر يعني ).
• بعض الإصدارات الأقدم من Windows 11 ما فيهاش دعم 7z أو TAR – لازم تحديث جديد.
• الميزة حالياً مش بنفس قوة WinRAR أو 7-Zip في الضغط العالي والتشفير، لكنها ممتازة للاستخدام اليومي والسريع.
• لو ضغط ZIP مش بيشتغل… غالبًا صيغة ZIP مش متعينة كـ Default App وبتتحل بسهولة.
ــــــــــــــــــــــــــــــــــــــــــــــــ
💬 رأيك يهمنا
الميزة دي حرفيًا خطوة قوية جدًا من مايكروسوفت، وفعلاً اختصرت على ناس كتير استخدام برامج ضخمة كانت بتتثبّت بس علشان نضغط ملف واحد.

بقلم المهندس كمال خضر

مبرمج متخصص

ليست هناك تعليقات:

الاشتراك في: تعليقات الرسالة (Atom)